ຂ່າວ ເມືອງທ່າໂທມ ແຂວງໄຊສົມບູນ ລາຍງານວ່າ: ວັນທີ 5 ມິຖຸນາ 2026 ຜ່ານມານີ້, ເມືອງທ່າໂທມ ແຂວງໄຊສົມບູນໄດ້ທຳລາຍອຸປະກອນ (ປະເພດຕະແກງຮ່ອນຄໍາ) ທີ່ນຳໃຊ້ເຂົ້າໃນການ ລັກລອບຂຸດຄົ້ນແຮ່ທາດ (ຮ່ອນຄຳ) ແບບຊະຊາຍ ແລະ ຜິດກົດໝາຍ ທີ່ເຈົ້າໜ້າທີ່ກວດຢຶດໄດ້ໃນໄລຍະຜ່ານມາ.
ໂດຍການເຂົ້າຮ່ວມຂອງ ທ່ານ ຄໍາເຜີຍ ແສງສະຫວ່າງ ປະທານຄະນະກໍາມະການປົກຄອງເມືອງ, ມີຕາງໜ້າຈາກກອງບັນຊາການ ປກສ ເມືອງ, ກອງບັນຊາການ ປກຊ ເມືອງ, ຫ້ອງການ-ການເງິນເມືອງ, ຫ້ອງການອຸດສະຫະກໍາ ແລະການຄ້າເມືອງ, ຄະນະກໍາມະການຄຸ້ມຄອງຊັບສິນຂອງລັດເຂົ້າຮ່ວມ.
