ນະຄອນຫຼວງວຽງຈັນ, ວັນທີ 2 ເມສາ 2026. ໃຫ້ກຽດຮ່ວມພິທີເປີດງານໂດຍ ທ່ານ ແກ້ວວິສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ຂອງກຸ່ມບໍລິສັດ ລາວ ໂທລະຄົມ ເເລະ ທ່ານ ມະໂນລິດ ຊຸມພົນພັກດີ ຫົວໜ້າກົມຄຸ້ມຄອງລະບົບການຊຳລະ ທະນາຄານແຫ່ງ ສປປ ລາວ, ທ່ານ ອາລຸນນະເດດ ບານຈິດ ຜູ້ອໍານວຍການ ບໍລິສັດ ລາວໂມບາຍມັນນີ ຈໍາກັດຜູ້ດຽວ, ທ່ານນາງ ດັງຕຽດຢຸງ ຈາກ VISA Country Manager ຂອງຫວຽດນາມ ແລະ ລາວ, ທ່ານ ສາຄອນ ຍໍພັນໄຊ ຜູ້ອຳນວຍການ ທະນາຄານ ຮ່ວມພັດທະນາ ມະຫາຊົນ ພ້ອມດ້ວຍຄະນະຜູ້ບໍລິຫານ ໃນເຄືອກຸ່ມບໍລິສັດລາວໂທລະຄົມ ເເລະ ຄູ່ຮ່ວມທຸລະກິດ.
ບໍລິສັດ Lao Mobile Money Sole Co., Ltd. (“M moneyX”) ເປັນຜູ້ໃຫ້ບໍລິການ e-wallet ຊັ້ນນຳໃນ ສປປ ລາວ ໄດ້ປະກາດເປີດຕົວ ເປີດການທົດລອງນໍາໃຊ້ບັດ M moneyX Visa Prepaid Card ພ້ອມກັບ ພັດທະນາ Visa Pay ເຂົ້າໃນແອັບ ໂດຍຮ່ວມມືກັບ Visa ຜູ້ນຳດ້ານການຊຳລະເງິນດິຈິຕອນລະດັບໂລກ. ໂດຍມີ ທະນາຄານ ຮ່ວມພັດທະນາລາວ ມະຫາຊົນ ເປັນ sponsoring bank
ຄວາມຮ່ວມມືນີ້ມີເປົ້າໝາຍເພື່ອເລັ່ງການນຳໃຊ້ການຊຳລະເງິນດິຈິຕອນ ແລະ ສະໜັບສະໜູນການປ່ຽນຜ່ານຂອງລາວ ໄປສູ່ສັງຄົມບໍ່ໃຊ້ເງິນສົດ
M moneyX Visa Prepaid Card ແມ່ນວິທີການຊຳລະເງິນດິຈິຕອນແບບຄົບວົງຈອນ ຜູ້ໃຊ້ສາມາດສ້າງ ແລະ ໃຊ້ບັດໄດ້ທັນທີໃນແອັບ ໂດຍບໍ່ຈຳເປັນຕ້ອງມີບັດຈິງ ແລະ ສາມາດໃຊ້ງານໄດ້ທົ່ວໂລກ ນອກຈາກນີ້ ກໍ່ຍັງໄດ້ສຶກສາຄວາມເປັນໄປໄດ້ໃນການພັດທະນາ Visa Pay ເຮັດໃຫ້ການຊຳລະເງິນ ວ່ອງໄວ ເເລະ ສະດວກຫລາຍ ຂຶ້ນ ເຊັ່ນ:
– ສະແກນ QR ເພື່ອຈ່າຍ
– ແຕະເພື່ອຈ່າຍ
– ຈ່າຍອອນລາຍ
ການເປີດຕົວນີ້ຊ່ວຍໃຫ້ປະຊາຊົນລາວເຂົ້າເຖິງບໍລິການການເງິນລະດັບໂລກ ແລະ ຫຼຸດການໃຊ້ເງິນສົດ
M moneyX ມຸ່ງໝັ້ນພັດທະນາລະບົບການເງິນດິຈິຕອນທີ່ປອດໄພ ແລະ ທັນສະໄໝ ສຳລັບທຸກຄົນ
