ຈາກເຫດການຄາຕະກຳສຸດສະເທືອນຂວັນທີ່ເກີດຂຶ້ນໃນວັນທີ ວັນທີ 21 ມີນາ 2026 ຜ່ານມາ, ໄດ້ມີປະຊາຊົນພົບສົບຍິງສາວ (ນາງ ວາດສະໜາ) ອາຍຸ 19 ປີ ເສຍຊີວິດຢູ່ປ່າຂ້າງທາງ ເຂດບ້ານບຶງວະ ນະຄອນໄກສອນ ພົມວິຫານ ຄາດວ່າຖືກຄາຕະກຳ.
ຫຼັງຈາກນັ້ນເຈົ້າໜ້າທີ່ ປກສ ແຂວງສະຫວັນນະເຂດ ຈຶ່ງເປີດປະຕິບັດການຊອກຈັບຜູ້ກໍ່ເຫດ ແລະ ຄັດຈ້ອນເປົ້າໝາຍ ຈຶ່ງສາມາດກັກຕົວຜູ້ກໍ່ເຫດ ຊື່ທ້າວ ແສງອາທິດ (ແຈັກ) ອາຍຸ 21 ປີ ໄດ້ໃນວັນທີ 23 ມີນາ 2026.
ທ້າວ ແສງອາທິດ ຮັບສາລະພາບວ່າ: ໄດ້ວາງແຜນແຊັດລໍ້ລວງຜູ້ເສຍຊີວິດໃຫ້ພາໄປຊື້ຢາສູບໄຟຟ້າ ເມື່ອຮອດຈຸດປ່ຽວຈຶ່ງລົງມື “ບີບຄໍ ແລະ ທຸບຕີ” ຈົນເສຍຊີວິດ ແລ້ວລາກສົບໄປຖິ້ມປ່າອຳພາງ ພ້ອມຊິງເອົາລົດຈັກໄປຖິ້ມໄວ້ບ່ອນອື່ນກ່ອນຫຼົບໜີ.
ສ່ວນສາເຫດ ແລະ ແຮງຈຸງໃຈ ເຈົ້າໜ້າທີ່ກຳລັງສອບສວນຂະຫຍາຍຜົນຢ່າງລະອຽດ ເພື່ອດຳເນີນຄະດີຕາມລະບຽບກົດໝາຍ.
ຂ່າວ: ປກສ ແຂວງສະຫວັນນະເຂດ
