ໜ່ວຍກູ້ໄພສຸກເສີນອົງການກາແດງແຂວງຫຼວງພະບາງ ລາຍງານວ່າ: ວັນທີ 27 ມີນາ 2026 ເວລາ 08:32 ນາທີ ເກີດອຸປະຕິເຫດ ລົດ 6 ລໍ້ປີ້ນ ຢູ່ເສັ້ນທາງບ້ານນ້ຳມອງ ເມືອງນໍ້າບາກ ແຂວງຫລວງພະບາງ ພົບຜູ້ເສຍຊີວິດ 2 ຄົນ, ເພດຍິງ 1ຄົນ, ສັນຊາດລາວ.
ຕາມການລາຍງານເບື້ອງຕົ້ນ: ລົດຄັນດັ່ງກ່າວເດີນທາງມາຈາກແຂວງອຸດົມໄຊ ເພື່ອໄປແຂວງຫລວງພະບາງ, ໃນລົດມີຄົນເດີນທາງຮ່ວມກັນ 2 ຄົນ (ເປັນຄູ່ຜົວເມຍ) ບ້ານຢູ່ປັດຈຸບັນແມ່ນບ້ານ ພູຊ້າງຄຳ,ນະຄອນຫລວງພະບາງ ແຂວງຫລວງພະບາງ.
ປັດຈຸບັນ, ໜ່ວຍກູ້ໄພໄດ້ຫໍ່ສົບຜູ້ເສຍຊີວິດທັງສອງເພື່ອນຳສົ່ງກັບບ້ານເພື່ອໃຫ້ຍາດພີ່ນ້ອງປະກອບພິທີຕາມສາສະໜາ ຂໍສະແດງຄວາມເສຍໃຈມາຍັງຄອບຄົວຂອງຜູ້ເສຍຊີວິດໃນເຫດການຄັ້ງນີ້ດ້ວຍ.
