ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ອົງການພະລັງງານສາກົນ (IEA) ໄດ້ລາຍງານການປ່ອຍນໍ້າມັນເຊື້ອໄຟຈາກຄັງສຳຮອງສຸກເສີນເຂົ້າສູ່ຕະຫຼາດໃນເບື້ອງຕົ້ນ ພາຍໃຕ້ຂໍ້ຕົກລົງຂອງບັນດາປະເທດສະມາຊິກ. ໂດຍການປ່ອຍນໍ້າມັນເຊື້ອໄຟສຸກເສີນໂດຍລວມຈະເປັນນໍ້າມັນດິບສ່ວນໃຫຍ່, ໃນຂະນະທີ່ການປ່ອຍຈາກເອີຣົບສ່ວນໃຫຍ່ຈະເປັນຜະລິດຕະພັນນໍ້າມັນທີ່ກັ່ນແລ້ວ ແລະ ເສີມດ້ວຍການຜະລິດເພີ່ມເຕີມຈາກບັນດາປະເທດໃນທະວີບອາເມຣິກາ.
ບົດລາຍງານລະບຸວ່າ: ລາຍລະອຽດຂອງການຈັດສັນລະຫວ່າງນໍ້າມັນດິບ ແລະ ຜະລິດຕະພັນທີ່ກັ່ນແລ້ວ, ລວມທັງປະລິມານຈາກຄັງສຳຮອງຂອງລັດ ຫຼື ການຫຼຸດຜ່ອນພັນທະທີ່ກຳນົດໄວ້ໃນຂະແໜງອຸດສາຫະກໍາຍັງຄົງສາມາດປ່ຽນແປງໄດ້, ເນື່ອງຈາກແຕ່ລະປະເທດກຳລັງປັບປຸງລາຍລະອຽດສະເພາະຂອງແຜນການປ່ອຍນໍ້າມັນເຊື້ອໄຟສຳຮອງສຸກເສີນ.
ທັງນີ້, ການຂົນສົ່ງສິນຄ້າທົ່ວໂລກໄດ້ຮັບຜົນກະທົບຈາກການໂຈມຕີຄັ້ງໃຫຍ່ທີ່ດໍາເນີນໂດຍສະຫະ ລັດ ອາເມຣິກາ ແລະ ອິສຣາແອນຕໍ່ອີຣ່ານ ໃນວັນທີ 28 ກຸມພາ ຜ່ານມາ ຊຶ່ງເຮັດໃຫ້ລາຄານໍ້າມັນເຊື້ອໄຟສູງຂຶ້ນ ແລະ ສັ່ນສະເທືອນເສດຖະກິດໂລກ. ໃນວັນທີ 11 ມີນາ ຜ່ານມາ, 32 ປະເທດສະມາຊິກ IEA ໄດ້ຕົກລົງເປັນເອກະສັນກັນທີ່ຈະປ່ອຍນໍ້າມັນເຊື້ອໄຟຈາກຄັງສອງຮອງສຸກເສີນຂອງແຕ່ລະປະເທດສູ່ຕະຫຼາດ ລວມ 400 ລ້ານບາເຣວ ເພື່ອແກ້ໄຂຜົນກະທົບຂອງຂໍ້ຂັດແຍ່ງໃນຕາເວັນອອກກາງ.
