ປະທານາທິບໍດີສະຫະລັດ ໂດນັລ ທຣໍາ ໄດ້ອອກຄຳເຕືອນຢ່າງແຂງກ່າວຕໍ່ຜູ້ນຳອີຣ່ານໃນວັນນີ້ ຫຼັງຈາກມີລາຍງານວ່າ ອີຣ່ານກຳລັງພິຈາລະນາເກັບຄ່າທຳນຽມຈາກເຮືອບັນທຸກນ້ຳມັນທີ່ເດີນທາງຜ່ານຊ່ອງແຄບຮໍມຸດ
ໂດນັລ ທຣໍາ ໂພສຜ່ານແພລດຟອມ Truth Social ລະບຸວ່າ “ມີລາຍງານວ່າ ອີຣ່ານກຳລັງເກັບຄ່າທຳນຽມຈາກເຮືອບັນທຸກນ້ຳມັນທີ່ຜ່ານຊ່ອງແຄບຮໍໂມຊ — ຫ້າມພວກເຂົາເຮັດໂດຍເດັດຂາດ ແລະ ຖ້າກຳລັງເຮັດຢູ່ ກໍ່ຕ້ອງຢຸດດຽວນີ້!”
ເຖິງແມ່ນວ່າກ່ອນໜ້ານີ້ໃນຄືນວັນອັງຄານຈະມີການປະກາດຂໍ້ຕົກລົງຢຸດຍິງ ເຊິ່ງທຣໍາລະບຸວ່າຈະລວມເຖິງການເປີດຊ່ອງແຄບຢ່າງສົມບູນແລະທັນທີ ແຕ່ຈົນເຖິງຂະໜາດນີ້ ການສັນຈອນຂອງເຮືອບັນທຸກນ້ຳມັນຜ່ານເສັ້ນທາງຍຸດທະສາດດັ່ງກ່າວຍັງແทบບ່ໍມີ ເນື່ອງຈາກຍັງຂາດຄວາມຊັດເຈນຈາກຝ່າຍອີຣ່ານ
ໃນເວລາຕໍ່ມາ ທຣໍາຍັງໂພສເພີ່ມເຕີມສະແດງຄວາມບ່ໍພໍໃຈຕໍ່ສະຖານການນ້ຳດັ່ງກ່າວ ໂດຍລະບຸວ່າ
“ອີຣ່ານກຳລັງປະຕິບັດໜ້າທີ່ໄດ້ຮ້າຍແຮງຫຼາຍ ອາດເອີ້ນໄດ້ວ່າໄຮ້ກຽດ ໃນເລື່ອງຂອງການປ່ອຍໃຫ້ນ້ຳມັນຜ່ານຊ່ອງແຄບຮໍໂມຊ ນີ້ບ່ໍແມ່ນຂໍ້ຕົກລົງທີ່ພວກເຮົາມີ!”
ກ່ອນໜ້ານີ້ CNN ລາຍງານວ່າ ເຈົ້າໜ້າທີ່ໃນນະຄອນເຕຫ່ຼານໄດ້ສະເໜີເງື່ອນໄຂກ່ຽວກັບ ອຳນາດອະທິປະໄຕຂອງອີຣ່ານເໜືອຊ່ອງແຄບຮໍໂມຊ ເປັນໜຶ່ງໃນຂໍ້ຮຽກຮ້ອງເພື່ອຢຸດສົງຄາມ ເຊິ່ງສ້າງຄວາມກັງວົນຕໍ່ຜົນກະທົບທາງເສດຖະກິດ ແລະ ວິກຣິດພະລັງງານໂລກທີ່ອາດຍືດເຍື້ອ
ໃນຂະນະດຽວກັນ ຄະນະກຳມາທິການຄວາມໝັ້ນຄົງຂອງລັດຖະສະພາອີຣ່ານໄດ້ອະນຸມັດແຜນການເກັບຄ່າຜ່ານທາງຈາກເຮືອທີ່ແລ່ນຜ່ານຊ່ອງແຄບ ພ້ອມຢ້ຳບົດບາດອຳນາດອະທິປະໄຕຂອງອີຣ່ານ ໂດຍມີສະມາຊິກຄະນະກຳມາທິການລາຍໜຶ່ງໃຫ້ຂໍ້ມູນຜ່ານສະຖານີໂທລະພາບຂອງລັດໃນວັນຈັນທີ່ຜ່ານມາ.
