ຄວາມຕຶງຄຽດໃນຄາບສະໝຸດເກົາຫຼີກັບມາປະທຸອີກຄັ້ງ ຫຼັງຈາກເກົາຫຼີເໜືອອອກຄຳເຕືອນວ່າ ຈະມີການຕອບໂຕ້ຢ່າງຮຸນແຮງ ຖ້າພົບໂດຣນຈາກເກົາຫຼີໃຕ້ບິນລ້ຳເຂດແດນອີກ. ຂະນະທີ່ລັດຖະບານໂຊລກຳລັງສືບສວນຫາຄວາມຈິງ.
ຄຳເຕືອນນີ້ປາກົດໃນຖະແຫຼງການຂອງ ຄິມ ໂຢໂຈງ, ນ້ອງສາວຂອງຜູ້ນຳເກົາຫຼີເໜືອ ຄິມ ຈອງອຶນ, ທີ່ເຜີຍແຜ່ໂດຍສຳນັກຂ່າວທາງການ KCNA. ນາງລະບຸວ່າ ການລະເມີດອະທິປະໄຕຂອງສາທາລະນະລັດປະຊາທິປະໄຕປະຊາຊົນເກົາຫຼີ ຈະນຳໄປສູ່ການຕອບໂຕ້ຢ່າງຮ້າຍແຮງ.
ນາງກ່າວວ່າ:
“ຖ້າການຍັ່ວຍຸແບບນີ້ເກີດຂຶ້ນອີກ ເກົາຫຼີເໜືອຈະຕອບໂຕ້ຢ່າງສາສົມ ແລະບໍ່ສົນໃຈວ່າຜູ້ຢູ່ເບື້ອງຫຼັງແມ່ນ, ບຸກຄົນ ຫຼື ອົງການໃດກໍຕາມ.”
ເກົາຫຼີເໜືອອ້າງຍິງໂດຣນສອດແນມຕົກ
ເກົາຫຼີເໜືອອ້າງວ່າ ພວກເຂົາໄດ້ຍິງຕົກໂດຣນສອດແນມເມື່ອຕົ້ນເດືອນມັງກອນ ແລະໄດ້ເຜີຍຮູບຊາກໂດຣນທີ່ຕິດຕັ້ງອຸປະກອນຖ່າຍຮູບ ພ້ອມຂໍ້ມູນບັນທຶກເປົ້າໝາຍສຳຄັນ ລວມທັ້ງເຂດແດນ.
ດ້ານລັດຖະບານເກົາຫຼີໃຕ້ ປະຕິເສດໃນຂັ້ນຕົ້ນວ່າບໍ່ມີສ່ວນຮ່ວມແບບທາງການ ໂດຍຊີ້ວ່າ ອາດເປັນການກະທໍາຂອງພາກປະຊາຊົນ.
ແຕ່ຄະນະຮ່ວມ ທະຫານ–ຕໍາຫຼວດ ຂອງເກົາຫຼີໃຕ້ແຈ້ງວ່າ
ກຳລັງສືບສວນທະຫານ 3 ນາຍ ແລະເຈົ້າໜ້າທີ່ຂ່າວກອງການ 1 ຄົນ ເພື່ອຫາຄວາມຈິງຢ່າງລະອຽດ.
ປະທານແລະລັດຖະມົນຕີເກົາຫຼີໃຕ້ເລັ່ງຫຼຸດຄວາມຕຶງຄຽດ
ຊຸງ ດົງຍອງ, ລັດຖະມົນຕີການຮວມຊາດ ໄດ້ແສດງຄວາມເສຍໃຈຢ່າງສູງ ພ້ອມຍ້ຳວ່າ ລັດຖະບານຕ້ອງການຫຼຸດຄວາມຕຶງຄຽດກັບເກົາຫຼີເໜືອ.
ປະທານາທິບໍດີ ອີ ແຈ ມຍອງ ຜູ້ເຂົ້າຮັບຕຳແໜ່ງເມື່ອປີກາຍ ໄດ້ພະຍາຍາມຟື້ນຟູຄວາມສຳພັນກັບເກົາຫຼີເໜືອ
ໂດຍວິພາກວິຈານອະດີດຜູ້ນຳສາຍແຂງ ຢຸນ ຊອກຢອນ
ທີ່ເຄີຍໃຊ້ໂດຣນປ່ອຍໃບປິວໂຄສະນາຕ້ານເກາຫຼີເໜືອໃນປີ 2024.
ນັກວິເຄາະຊີ້ ເປັນສັນຍານວ່າເປັງຢາງຈັບຕາເກົາຫຼີໃຕ້ໃກ້ຊິດ
ນັກວິເຄາະເຫັນວ່າ ແຖລງການຂອງຄິມ ໂຢໂຈງ
ສະທ້ອນໃຫ້ເຫັນວ່າ ເກົາຫຼີເໜືອກຳລັງຈັບຕາຄວາມເຄື່ອນໄຫວໃນເກາຫຼີໃຕ້ແບບໃກ້ຊິດ,
ໂດຍສະເພາະໃນຊ່ວງທີ່ສະພາບການເມືອງໃນພາກພື້ນ Indo‑Pacific ຍັງບໍ່ຫາຍຄວາມເປາະບາງ.
ຄວາມຕຶງຄຽດນີ້ເກີດຂຶ້ນກ່ອນ
ການປະຊຸມພັກຄັ້ງໃຫຍ່ ຂອງເກາຫຼີເໜືອໃນທ້າຍເດືອນກຸມພາ
(ຈັດທຸກ 5 ປີ) ເພື່ອກຳນົດ
- ນະໂຍບາຍຕ່າງປະເທດ
- ຍຸດທະສາດທາງທະຫານ
- ແຜນນິວເຄຣຍ 5 ປີຂ້າງໜ້າ
UN ເບົາບາງການຄວຳບາດ – ອາດເປັນປະຕູກັບເຂົ້າເຈລະຈານິວເຄຣຍ
ພ້ອມກັນນັ້ນ
ຄະນະກຳມະການຄວຳບາດຂອງ UNSC
ໄດ້ອະນຸມັດໃຫ້ມີການສົ່ງອາຫານແລະຢາເຂົ້າເກາຫຼີເໜືອເພີ່ມ.
ນັກວິເຄາະບາງສ່ວນມອງວ່າ
ນີ້ອາດເປັນ ສັນຍານເປີດທາງໃຫ້ການເຈລະຈານິວເຄຣຍ
ລະຫວ່າງກະຊວງເກົາຫຼີເໜືອ ແລະ ປະທານາທິບໍດີສະຫະລັດ ໂດນານ ທຣັມປ໌ ໃນອະນາຄົດ.
ທີ່ມາ: channelnewsasia
