ວັນທີ 23 ມັງກອນ 2026, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ໃຫ້ກຽດເຂົ້າຮ່ວມໂອ້ລົມ ແລະ ໃຫ້ທິດຊີ້ນຳ ຕໍ່ກອງປະຊຸມວຽກງານແຮງງານ ແລະ ສະຫວັດດີການສັງຄົມ ທົ່ວປະເທດ ປະຈຳປີ 2025; ມີ ທ່ານ ບົວຄົງ ນາມມະວົງ, ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ທ່ານ ໂພໄຊ ໄຊຍະສອນ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ,ບັນດາທ່ານຮອງລັດຖະມົນຕີ, ຜູ້ຕາງໜ້າບັນດາກະຊວງ-ອົງການ, ກຳ ມາທິການວັດທະນະທຳສັງຄົມ ສະພາແຫ່ງຊາດ, ພະນັກ ງານຫຼັກແຫຼ່ງ ກະຊວງແຮງງານ ແລະ ສະຫວັດດີການສັງ ຄົມ ພ້ອມດ້ວຍຜູ້ຕາງໜ້າພະແນກແຮງງານ ແລະ ສະຫວັດດີການສັງຄົມ ປະຈຳແຂວງ ແລະ ນະຄອນຫຼວງວຽງຈັນ ເຂົ້າຮ່ວມ.
ໂອກາດນີ້, ທ່ານລັດຖະມົນຕີ ກະຊວງແຮງງານ ແລະ ສະຫວັດການສັງຄົມ ໄດ້ລາຍງານໃຫ້ຊາບ ກ່ຽວກັບຜົນກອງປະຊຸມຄັ້ງນີ້ ແມ່ນໄດ້ດໍາເນີນໄປດ້ວຍຄວາມຮັບຜິດ ຊອບສູງ ໄດ້ພ້ອມກັນຕີລາຄາຜົນສໍາເລັດ, ຂໍ້ຄົງຄ້າງ ແລະ ໄດ້ຄົ້ນຄວ້າກໍານົດມາດຕະການ ແລະ ວິທີແກ້ໄຂ ໃນການຈັດຕັ້ງບັນດາຕົວເລກຄາດໝາຍສູ້ຊົນ ໃນຕໍ່ໜ້າ. ສຳລັບຜົນງານອັນພົ້ນເດັ່ນ ໃນການຈັດຕັ້ງປະຕິບັດວຽກງານ ປະ ຈຳປີ 2025; ວຽກແຮງງານ ໄດ້ເອົາໃຈໃສ່ປະສານສົມທົບກັບສະຖານພັດທະນາສີມືແຮງງານຕ່າງໆ ພັດທະນາສີມືແຮງງານ ທີ່ຈະເຂົ້າສູ່ຕໍາແໜ່ງງານໃໝ່ ໄດ້ 210.182 ຄົນ, ຍິງ 98.032 ຄົນ, ລື່ນແຜນການປີ (80.000 ຄົນ); ສົມທົບຫົວໜ່ວຍແຮງງານ ເຮັດການທົດສອບສີມືແຮງງານ ຕາມມາດຕະຖານສີມືແຮງງານ ແລະ ສາຂາອາຊີບ ໃນລະດັບຕ່າງໆ ຢູ່ຫົວໜ່ວຍແຮງງານ ໄດ້ 498 ຄົນ ຍິງ 177 ຄົນ. ພ້ອມນີ້, ຍັງໄດ້ປັບປຸງຫຼັກສູດການຮຽນ, ການຝຶກຕົວຈິງ, ສ້າງຄູຝຶກ, ຄູທົດສອບ, ພັດທະນາ-ປັບປຸງ, ສ້າງໂຄງລ່າງພື້ນຖານ, ສະໜອງພາຫະນະ ແລະ ອຸປະກອນ ໃຫ້ແກ່ບັນດາສູນພັດທະນາສີມືແຮງງານ; ເອົາໃຈໃສ່ປົກປ້ອງສິດຜົນປະໂຫຍດ ຂອງຜູ້ອອກແຮງງານ ແລະ ຜູ້ໃຊ້ແຮງງານ ໂດຍການປັບປຸງກົນໄກການເຮັດວຽກ ແລະ ສ້າງຄວາມເຂັ້ມແຂງໃຫ້ຄະນະກໍາມະການ ແລະ ກອງເລຂາຄະນະກໍາມະການແຮງງານແຫ່ງຊາດ; ໃຫ້ຄໍາປຶກສາທາງດ້ານກົດ ໝາຍ ວ່າດ້ວຍແຮງງານ ແລະ ລະບຽບການຄຸ້ມຄອງແຮງ ງານລາວ,ຊຸກຍູ້ຫົວໜ່ວຍແຮງງານ ໃຫ້ມີກົດລະບຽບພາຍ ໃນ, ມີສັນຍາແຮງງານ, ປັບປຸງສະພາບແວດລ້ອມ ແລະ ເງື່ອນໄຂຂອງການເຮັດວຽກ; ວຽກສະຫວັດດີການສັງຄົມ ໄດ້ເອົາໃຈໃສ່ຕັ້ງໜ້າຂະຫຍາຍອັດຕາການປົກຄຸມປະກັນສັງຄົມໃນພາກທຸລະກິດ ແລະ ຜູ້ສະໝັກໃຈ, ປັດຈຸບັນມີຫົວໜ່ວຍວິສາຫະກິດທີ່ຈ່າຍເງິນສົມທົບທັງໝົດ 6.000 ຫົວໜ່ວຍ, ມີຜູ້ປະກັນຕົນທີ່ຂຶ້ນທະບຽນ ແລະ ຈ່າຍເງິນສົມທົບ 395.375 ຄົນ ຍິງ 191.095 ຄົນ, ເຊິ່ງກວມເອົາຜູ້ເກີດສິດ ແລະ ສະມາຊິກຄອບຄົວ ທີ່ໄດ້ຮັບການຄຸ້ມ ຄອງປິ່ນປົວສຸຂະພາບຈາກລະບົບປະກັນສັງຄົມ 921.220 ຄົນ ຍິງ 461.500 ຄົນ; ກວມປະມານ 13,6 % ຂອງພົນ ລະເມືອງທັງໝົດ ເຊິ່ງເຫັນວ່າຜູ້ປະກັນຕົນສະໝັກໃຈ ໄດ້ເຂົ້າຮ່ວມລະບົບປະກັນສັງຄົມເພີ່ມຂຶ້ນລື່ນໃນຕົວເລກກ້າວກະໂດດ; ວຽກຄຸ້ມຄອງບໍລິຫານ ຕັ້ງໜ້າປະສານສົມທົບກັບພາກສ່ວນກ່ຽວຂ້ອງຂອງສູນກາງ ແລະ ທ້ອງຖິ່ນ ເພື່ອອໍານວຍຄວາມສະດວກໃຫ້ແກ່ການເຄື່ອນໄຫວວຽກແຮງ ງານ ແລະ ສະຫວັດດີການສັງຄົມ ໄດ້ເປັນປົກກະຕິ; ສຳ ເລັດການຄົ້ນຄວ້າ ແລະ ວາງແຜນພັດທະນາແຮງງານ ແລະ ສະຫວັດດີການສັງຄົມ 5 ປີ (2026-2030); ໄດ້ແຈ້ງໃຫ້ນະຄອນຫຼວງ ແລະ ບັນດາແຂວງ ພ້ອມກັນລົງເລິກຄົ້ນຄວ້າເຊື່ອມສານເຂົ້າໃນແຜນພັດທະນາເສດຖະກິດ-ສັງຄົມ ໃນຂັ້ນຂອງຕົນ, ໄດ້ພະຍາຍາມຮ່ວມກັບຂະແໜງການທີ່ກ່ຽວຂ້ອງຫັນເປັນທັນສະໄໝໃນການຄຸ້ມຄອງ ແລະ ດໍາເນີນການກວດກາການຈັດຕັ້ງປະຕິບັດແຜນພັດທະນາແຮງງານ ແລະ ສະຫວັດດີການສັງຄົມ ຢ່າງເປັນປົກກະຕິ.
ໂອກາດນີ້, ທ່ານ ນາຍົກລັດຖະມົນຕີ ກໍໄດ້ໃຫ້ກຽດໂອ້ ລົມ ຕໍ່ກອງປະຊຸມ ໂດຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ທີ່ຂະແໜງແຮງງານ ແລະ ສະຫວັດດີການສັງ ຄົມ ສາມາດປະຕິບັດໄດ້ໃນປີຜ່ານມາ; ອັນສຳຄັນ,ທ່ານນາ ຍົກລັດຖະມົນຕີ ໄດ້ເນັ້ນໃຫ້ເອົາໃຈໃສ່ໃນຕໍ່ໜ້າຕື່ມ ບາງດ້ານ ເປັນຕົ້ນ ເອົາໃຈໃສ່ພັດທະນາສີມືແຮງງານ ໃຫ້ກຳລັງແຮງງານລາວໄດ້ຄຸນນະພາບ, ສາມາດຕອບສະໜອງ ຕາມຄວາມຕ້ອງການຂອງຕະຫຼາດ ທັງພາຍໃນ ແລະ ຕ່າງປະ ເທດ; ເອົາໃຈໃສ່ພັດທະນາລະບົບຖານຂໍ້ມູນຂ່າວສານຕະ ຫຼາດແຮງງານ ເພື່ອເປັນເຄື່ອງມື,ກົນໄກດັດສົມ ລະຫວ່າງ ຄວາມຕ້ອງການ ແລະ ການສະໜອງກໍາລັງແຮງງານຂະ ແໜງເສດຖະກິດ-ສັງຄົມ ພ້ອມທັງສາມາດເຊື່ອມຕໍ່ລະບົບຖານຂໍ້ມູນແຮງງານ ກັບລະບົບຖານຂໍ້ມູນອື່ນໆ ເປັນຕົ້ນ ຖານຂໍ້ມູນອາກອນເງິນເດືອນ ໃຫ້ເປັນລະບົບ; ພັດທະນາລະບົບປົກປ້ອງສັງຄົມ ເພື່ອປະຕິບັດນະໂຍບາຍສັງຄົມຂອງລັດ ຜ່ານລະບົບປົກປ້ອງສັງຄົມ ໃຫ້ສາມາດບໍລິການຕໍ່ປະຊາຊົນ ທີ່ດ້ອຍໂອກາດ, ຜູ້ທຸກຍາກ, ຜູ້ປະສົບໄພພິບັດຕ່າງໆ, ພະນັກງານທີ່ມີຜົນງານໃນພາລະກິດປະຕິວັດ, ຜູ້ອອກແຮງງານພາກວິສາຫະກິດ ແລະ ຜູ້ປະກອບອາຊີບ ອິດສະຫຼະສ່ວນບຸກຄົນ ທີ່ມີປະສິດທິພາບທີ່ດີຂຶ້ນ; ພັດທະ ນາລະບົບສະຫວັດດີການສັງຄົມ ໂດຍສົ່ງເສີມໃຫ້ທຸກພາກສ່ວນໃນສັງຄົມ ມີສ່ວນຮ່ວມ ຢ່າງກວ້າງຂວາງ; ເພີ່ມທະວີການປະຕິບັດບັນດາມາດຕະການປ້ອງກັນ ເພື່ອຫຼຸດຜ່ອນຄວາມເສຍຫາຍຈາກໄພພິບັດ, ການຄວບຄຸມຊ່ວຍ ເຫຼືອແກ້ໄຂສຸກເສີນ ແລະ ການຟື້ນຟູຄືນຫຼັງໄພພິບັດ ທີ່ຮັບປະກັນຄວາມທົນທານ, ຄວາມປອດໄພໃນອະນາຄົດ; ສືບຕໍ່ຕັ້ງໜ້າປະຕິບັດນະໂຍບາຍໃຫ້ການຊ່ວຍເຫຼືອແກ່ຜູ້ທີ່ມີຜົນງານປະຕິວັດ; ວຽກງານຄຸ້ມຄອງບໍລິຫານວຽກງານແຮງງານ ແລະ ສະຫວັດດີການສັງຄົມ ຕ້ອງໄດ້ຮັບການສ້າງຄວາມເຂັ້ມແຂງ ຕາມທິດຄຸ້ມຄອງດ້ວຍກົດໝາຍ ແລະ ລະບຽບການ ໃຫ້ມີຄວາມສັກສິດ; ຈັດຕັ້ງຜັນຂະຫຍາຍນະໂຍບາຍ ແລະ ສ້າງວິໃສທັດແຜນຍຸດທະສາດ ການພັດທະນາວຽກງານແຮງງານ ແລະ ສະຫວັດດີການສັງຄົມ ລະຫວ່າງ ສູນກາງ ແລະ ທ້ອງຖິ່ນ ໃຫ້ມີຄວາມກົມກຽວຂຶ້ນກວ່າເກົ່າ; ສືບຕໍ່ປັບປຸງການຈັດຕັ້ງຂະແໜງແຮງງານ ແລະ ສະຫວັດດີການສັງຄົມ ໃຫ້ສາມາດຕອບສະໜອງກັບຄວາມຕ້ອງການຂອງໜ້າທີ່ວຽກງານຕົວຈິງ ພ້ອມທັງ ສືບຕໍ່ຍົກລະດັບຄວາມຮູ້-ຄວາມສາມາດ ແລະ ຫົວຄິດປະດິດສ້າງດ້ານວິຊາການ ເພື່ອເປັນກໍາລັງແຮງສໍາຄັນປະກອບສ່ວນເຂົ້າໃນການປະຕິບັດແຜນພັດທະນາແຮງງານ ແລະ ສະຫວັດດີການສັງຄົມ ກໍ່ຄື ການປະກອບສ່ວນເຂົ້າໃນແຜນພັດທະນາເສດຖະກິດ-ສັງຄົມ ໃຫ້ນັບມື້ນັບໄດ້ຮັບການພັດທະນາ ແລະ ເຂັ້ມແຂງຂຶ້ນ ເປັນກ້າວໆ.
ຂ່າວ-ພາບ: ກົມປະຊາສຳພັນ ຫສນຍ.
