ຂ່າວສານຊີອາໄອລາຍງານໃນວັນທີ 25 ມັງກອນ ຜ່ານມາວ່າ: ອົງການພະລັງງານແຫ່ງຊາດຈີນໄດ້ເຜີຍແຜ່ຂໍ້ມູນໂດຍສະແດງໃຫ້ເຫັນວ່າ, ປີ 2025 ຕະຫຼາດໄຟຟ້າທົ່ວປະເທດຈີນໄດ້ສຳເລັດການຄ້າຂາຍໄຟຟ້າ 6,639.4 ຕື້ກິໂລວັດໂມງ, ເພີ່ມຂຶ້ນ 7.4% ເມື່ອທຽບໃສ່ປີ 2024, ກວມເອົາ 64% ຂອງປະລິມານການນຳໃຊ້ໄຟຟ້າທົ່ວສັງຄົມຈີນ, ເພີ່ມຂຶ້ນ 1.3% ເມື່ອທຽບໃສ່ປີ 2024.
ໃນນັ້ນ, ການຄ້າຂາຍໄຟຟ້າພາຍໃນແຂວງມີເຖິງ 5,047.3 ຕື້ກິໂລວັດໂມງ, ເພີ່ມຂຶ້ນ 6.2% ເມື່ອທຽບໃສ່ປີ 2024; ປະລິມານການຄ້າຂາຍໄຟຟ້າຂ້າມແຂວງ ແລະ ເຂດແຄວ້ນມີເຖິງ 1,592.1 ຕື້ກິໂລວັດໂມງ, ເພີ່ມຂຶ້ນ 11.6%, ໃນນັ້ນ ປະລິມານການຄ້າຂາຍໄຟຟ້າແບບຂ້າມເຂດທຸລະກິດເຄືອຂ່າຍໄຟຟ້າມີເຖິງ 3.4 ຕື້ກິໂລວັດໂມງ.
ເມື່ອເບິ່ງຈາກປະເພດການຄ້າຂາຍແລ້ວເຫັນວ່າ, ການຄ້າຂາຍໄຟຟ້າໄລຍະກາງ ແລະ ໄລຍະຍາວມີເຖິງ 6,352.2 ຕື້ກິໂລວັດໂມງ; ການຄ້າຂາຍໄຟຟ້າທັນທີມີ 287.2 ຕື້ກິໂລວັດໂມງ ແລະ ການຄ້າຂາຍໄຟຟ້າສີຂຽວມີເຖິງ 328.5 ຕື້ກິໂລວັດໂມງ, ເພີ່ມຂຶ້ນ 38.3% ເມື່ອທຽບໃສ່ປີ 2024.
