ທ່ານ ປະທານາທິບໍດີ ສ.ອາເມລິກາ ໃຫ້ຮູ້ວ່າ, ຈະຕົກລົງເຫັນດີ ໃຫ້ກຸ່ມບໍລິສັດ Nvidia, ມີສຳນັກງານຕັ້ງຢູ່ລັດ California ຂາຍຊິບຂັ້ນສູງ H200 ໃຫ້ແກ່ ບັນດາລູກຄ້າ ທີ່ໄດ້ຮັບ ການຕົກ ລົງ ຮອງຮັບເອົາຢູ່ ສປ ຈີນ. ເຖິງຢ່າງໃດກໍຕາມ, ຂໍ້ຕົກລົງດັ່ງກ່າວ ຈະໄປ ຄຽງຄູ່ກັບເງື່ອນໄຂທີ່ວ່າ, ລັດຖະບານ ສ.ອາເມລິກາ ຈະໄດ້ຮັບ 25% ຂອງ ລາຍຮັບ ຈາກການຂາຍຊິບ ໃຫ້ແກ່ ສປ ຈີນ. ກ່ອນໜ້ານັ້ນ ໃນເດືອນ ສິງຫາ ຜ່ານມາ, Nvidia ແລະ AMD ໄດ້ເຫັນດີ ແບ່ງປັນກັບ ລັດຖະບານ ສ.ອາເມລິກາ 15% ລາຍຮັບ ທີ່ເກັບມາຈາກ ການເຄື່ອນໄຫວ ຂາຍຊິບ ໃຫ້ ແກ່ ສປ ຈີນ. ປັດຈຸບັນ, ຊິບ H200 ທີ່ທ່ານ Trump ອະນຸຍາດ ໃຫ້ຂາຍນັ້ນ ແມ່ນລຸ້ນດີ ແຕ່ບໍ່ແມ່ນ ລຸ້ນຊິບ ມີພະລັງແຮງສຸດຂອງ Nvidia. ຕາມ ທ່ານ ໂດນັນ ທຣຳ ແລ້ວ, ເລື່ອງຊື້-ຂາຍ ຈະໄດ້ຮັບ ການປະຕິບັດ “ໃນບັນດາ ເງື່ອນໄຂ ທີ່ອະນຸຍາດ ເພື່ອຮັກສາ ຄວາມໝັ້ນຄົງ ແຫ່ງຊາດ”.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
