ເກີດແຜ່ນດິນໄຫວພາຍໃນປະເທດ ແລະ ບັນດາປະເທດໃກ້ຄຽງ
ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວພາຍໃນປະເທດ ແລະ ບັນດາປະເທດໃກ້ຄຽງ ປະຈໍາວັນທີ 09 ທັນວາ 2025 ເວລາ 7:00 ໂມງເຊົ້າ ຫາ ວັນທີ 10 ທັນວາ 2025 ເວລາ 7:00 ໂມງເຊົ້າ, ເຫດການແຜ່ນດິນໄຫວເກີດຂຶ້ນ
ລວມທັງໝົດ 5 ຄັ້ງ ເຊິ່ງເຫດການແຜ່ນດິນໄຫວທີ່ເກີດຂຶ້ນຢູູ່ທີ່ປະເທດ ມຽນມາ, ປະເທດໄທ ແລະ ສປປ ລາວ ໃນຄັ້ງນີ້ ແມ່ນບໍ່ໄດ້ສົ່ງຜົນກະທົບ ດັ່ງນັ້ນຈຶ່ງແຈ້ງເຖິງປະຊາຊົນບັນດາເຜົ່າ ສປປ ລາວ, ອົງການປົກຄອງທ້ອງຖິິ່ນ ແລະ ອົງການຈັດຕັ້ງທຸກພາກສ່ວນໃນທົ່ວປະເທດ ຈົ່ງມີສະຕິລະມັດລະວັງ ແລະ ກຽມພ້ອມຮັບມື, ພ້ອມທັງໃຫ້ຕິດຕາມ ຂ່າວລາຍງານເຫດການເກີດແຜ່ນດິນໄຫວທັງພາຍໃນປະເທດ ແລະ ບັນດາປະເທດໃກ້ຄຽງ ຈາກກົມອຸຕຸນິຍົມ ແລະ ອຸທົກກະສາດ.
