ວັນທີ 9 ທັນວາ 2025 ປະຊາຊົນສ່ອງແສງວ່າ: ມີທໍ່ນໍ້າປະປາແຕກ ຢູ່ເສັ້ນທາງສີໄຄ-ທົ່ງປົ່ງ ເຂດບ້ານໂພສີໜ້າຮ້ານອາເມຊອນ ເມືອງສີໂຄດຕະບອງ ນະຄອນຫລວງວຽງຈັນ. ທໍ່ນໍ້າໄດ້ແຕກຊືມມາໄດ້ 1 ອາທິດກວ່າແລ້ວ ໂດຍມີສາຍເຕືອນໄພອ້ອມກັນໄວ້ ແລະ ຈຸດດັ່ງກ່າວເຄີຍເກີດອຸປະຕິເຫດມາແລ້ວຫລາຍຄັ້ງ ໂດຍສະເພາະແມ່ນຜູ້ຂັບຂີ່ລົດຈັກໃນຕອນກາງຄືນ.
ຝາກເຖິງພາກສ່ວນກ່ຽວຂ້ອງລົງກວດກາແລະແກ້ໄຂໂດຍດ່ວນດ້ວຍ, ເພື່ອຮັກສານ້ຳ ແລະ ເພື່ອຫລີກລ່ຽງການເກີດອຸປະຕິເຫດຊ້ຳອີກ.
