ບລູມເບີກ ລາຍງານວ່າລາຄາຄຳປັບຕົວເພີ່ມຂຶ້ນໃນວັນນີ້ (12 ມັງກອນ 2025) ຫຼັງຈາກຂໍ້ມູນການຈ້າງງານຂອງສະຫະລັດທີ່ອ່ອນຕົວຍັງຄົງສະໜັບສະໜູນຄວາມຄາດຫວັງວ່າ Fed ຈະຫຼຸດດອກເບ້ຍຕື່ມອີກ ໃນຂະນະດຽວກັນ ການປະທ້ວງທີ່ຮຸນແຮງຂຶ້ນໃນອິຫຼ່ານຍິ່ງເຮັດໃຫ້ຄວາມເຄັ່ງຕຶງດ້ານພູມິສາດການເມືອງຢູ່ໃນລະດັບສູງ
ລາຄາຄຳຕະຫຼາດສະປອດ (Spot Gold) ເພີ່ມສູງຂຶ້ນເກີນ 4,530 ໂດລາຕໍ່ອອນສ์ ໃກ້ຈຸດສູງສຸດເປັນປະຫວັດການທີ່ເຄີຍເຮັດໄວ້ໃນທ້າຍເດືອນທັນວາ ໂດຍລາຄາຄຳແຕະລະດັບສູງສຸດເປັນປະຫວັດການຢູ່ທີ່ 4,549.71 ໂດລາເມື່ອວັນທີ່ 26 ທັນວາຜ່ານມາ
ລາຍງານການຈ້າງງານຂອງສະຫະລັດເມື່ອວັນສຸກລະບຸວ່າ ການຈ້າງງານເພີ່ມຂຶ້ນຕໍ່າກວ່າທີ່ຄາດໃນເດືອນທີ່ຜ່ານມາ ຊ່ວຍສະໜັບສະໜູນທັດສະນະວ່າທະນາຄານກາງສະຫະລັດຈະສືບຕໍ່ຫຼຸດຕົ້ນທຶນການກູ້ຢືມເພື່ອສະໜັບສະໜູນເສດຖະກິດຕໍ່ໄປ
ລາຄາຄຳເພີ່ມຂຶ້ນເຂົ້າໃກ້ສະຖິຕິສູງສຸດທີ່ 4,532 ໂດລາຕໍ່ອອນສ์ ອີງຕາມຄວາມຄາດຫວັງວ່າ Fed ຈະຫຼຸດດອກເບ້ຍອີກ 2 ຄັ້ງພາຍໃນປີນີ້ ຮອງຮັບຈາກຂໍ້ມູນການຈ້າງງານສະຫະລັດທີ່ຊະລໍຕົວ ບວກກັບສະຖານະການການເມືອງທີ່ເຄັ່ງຕຶງໃນອິຫຼ່ານ ເຮັດໃຫ້ນັກລົງທຶນຫັນມາລົງທຶນໃນສິນຊັບປອດໄພຫຼາຍຂຶ້ນ.
ລາຄາຄຳເພີ່ມຂຶ້ນ 0.5% ສູ່ 4,532.47 ໂດລາຕໍ່ອອນສ์ ນະເວລາ 7:28 ນາທີຕາມເວລາສິງກະໂປ ດັດຊະນີ Bloomberg Dollar Spot ປິດບວກ 0.2% ໃນຊ່ວງກ່ອນໜ້າ ລາຄາໂລຫະເງິນພຸ່ງຂຶ້ນ 2% ຫຼັງຈາກປັບຂຶ້ນເກືອບ 10% ໃນອາທິດທີ່ຜ່ານມາ ສ່ວນແພລເລດຽມ (Palladium) ແລະ ແພລທິນັມ (Platinum) ກໍ່ປັບຕົວເພີ່ມຂຶ້ນເຊັ່ນກັນ.
ຂະຫຍາຍຄວາມ:
ແພລເລດຽມ (Palladium) – Pd
ແພລທິນັມ (Platinum) – Pt
ທັງສອງເປັນໂລຫະມີຄ່າກຸ່ມແພລທິນັມ (Platinum Group Metals) ທີ່ໃຊ້ໃນອຸດສາຫະກຳຍານຍົນ, ເຄື່ອງປະດັບ ແລະ ອຸປະກອນອີເລັກໂທຣນິກ
ສະຫຼຸບໄດ້ວ່າ:
ປັດໃຈຫຼັກ 3 ປະການ:
- ຂໍ້ມູນການຈ້າງງານສະຫະລັດຊະລໍຕົວ : ເປັນສັນຍານວ່າທະນາຄານກາງສະຫະລັດ (Fed) ອາດຈະປັບຫຼຸດອັດຕາດອກເບ້ຍຕື່ມອີກ ເຊິ່ງເປັນຜົນດີຕໍ່ຄຳທີ່ບໍ່ມີດອກເບ້ຍ
- ສະຖານະການທາງດ້ານການເມືອງທີ່ເຄັ່ງຕຶງ : ການປະທ້ວງທີ່ຮຸນແຮງຂຶ້ນໃນອິຫຼ່ານເຮັດໃຫ້ນັກລົງທຶນຊອກຫາສິນຊັບປອດໄພ
- ນະໂຍບາຍດອກເບ້ຍ : ຕະຫຼາດຄາດວ່າ Fed ຈະຫຼຸດດອກເບ້ຍຢ່າງໜ້ອຍອີກ 2 ຄັ້ງໃນປີນີ້
